Радость и смех.



Радость и смех.��

Z%0D%0A

«Ко весéлиемъ не примѣшавáется печáль: послѣ́дняя же рáдости въ плáчь прихóдятъ.» [Притч.14:13]

«Смѣ́ху рекóхъ: погрѣшéнiе, и весéлiю: чтó сié твори́ши?» [Еккл.2:2]

«Блáго ходи́ти въ дóмъ плáча, нéжели ходи́ти въ дóмъ пи́ра, понéже сié конéцъ вся́кому человѣ́ку, и живы́й дáстъ блáго въ сéрдцы егó.

Блáга я́рость пáче смѣ́ха, я́ко во злóбѣ лицá ублажи́тся сéрдце.

Сéрдце мýдрыхъ въ домý плáча, а сéрдце безýмныхъ въ домý весéлiя.» [Еккл.7:3-5]

«Печáль бó, я́же по Бóзѣ, покая́нiе нераскáянно во спасéнiе содѣловаетъ, а [сегó] мiра печáль смéрть содѣ́ловаетъ.» [2Кор.7:10]

«постражди́те и слези́те и плáчитеся: смѣ́хъ вáшъ въ плáчь да обрати́тся, и рáдость въ сѣ́тованiе..» [Иак.4:9]

«Блажéни плáчущiи: я́ко тíи утѣ́шатся.» [Мф.5:4]

«я́коже глáсъ тéрнiя подъ котлóмъ, тáко смѣ́хъ безýмныхъ. И сié суетá.» [Еккл.7:6]

«Не ругáйся человѣ́ку сýщу въ гóрести души́ егó: éсть бо смиря́яй и вознося́й.» [Сир.7:11]

«Бýй во смѣ́хѣ вознóситъ глáсъ свóй, мýжъ же разýмный едвá ти́хо осклáбится.» [Сир.21:23]

«Пóвѣсть бýихъ мéрзость, и смѣ́хъ и́хъ во услаждéнiи грѣхá.» [Сир.27:13]

«и сквернослóвiе, и буеслóвiе, или́ кощýны, я́же неподóбная, но пáче благодарéнiе..»

«Никтóже вáсъ да льсти́тъ сýетными словесы́, си́хъ бо рáди грядéтъ гнѣ́въ Бóжiй на сы́ны непокори́выя.

Не бывáйте ýбо сопричáстницы си́мъ

[Еф.5:4,6-7]

«Глагóлю же вáмъ, я́ко вся́ко слóво прáздное, éже áще рекýтъ человѣ́цы, воздадя́тъ о нéмъ слóво въ дéнь сýдный..» [Мф.12:36]

«Вся́ко слóво гни́ло да не исхóдитъ изъ ýстъ вáшихъ, но тóчiю éже éсть благо къ создáнiю вѣ́ры, да дáстъ благодáть слы́шащымъ.» [Еф.4:29]

«понéже не послужи́лъ еси́ Гóсподеви Бóгу твоемý съ весéлiемъ и благи́мъ сéрдцемъ, мнóжества рáди всѣ́хъ [благи́хъ],

и послýжиши врагóмъ твои́мъ, я́же пóслетъ Госпóдь Бóгъ твóй на тя́ съ глáдомъ и жáждею, и наготóю и оскудѣ́нiемъ всѣ́хъ: и возложи́тъ ярéмъ желѣ́зенъ на вы́ю твою́, дóндеже сокруши́тъ тя́.» [Втор.28:47-48]

«Слáва и вели́чество предъ лицéмъ егó, крѣ́пость и похвалá въ мѣ́стѣ егó святѣ́мъ.» [1Пар.16:27]

«И речé и́мъ: иди́те и яди́те тýчная и пíйте слáдкая, и посли́те чáсти не имýщымъ, я́ко свя́тъ éсть дéнь Гóсподеви нáшему, и не печáлитесяи́бо рáдость Госпóдня сiя́ éсть си́ла нáша.» [Неем.8:10]

«Дади́те Сикéра сýщымъ въ печáлехъ и винó пи́ти сýщымъ въ болѣ́знехъ..» [Притч.31:6]

«Госпóдь бо не отри́нетъ незлóбиваго: вся́каго же дáра от нечести́ваго не прiи́метъ.

И́стиннымъ же устá испóлнитъ смѣ́ха, устнѣ́ же и́хъ исповѣ́данiя.» [Иов.8:20-21]

«весéлiе бо нечести́выхъ падéнiе стрáшно, обрáдованiе же беззакóнныхъ пáгуба.» [Иов.20:5]

«пáче [же] извóли страдáти съ людьми́ Бóжiими, нéжели имѣ́ти врéменную грѣхá слáдость..» [Евр.11:25]

«Ви́ждь же, я́ко Госпóдь не отри́нетъ незлóбиваго..»

«А́ще услы́шатъ и порабóтаютъ, скончáютъ дни́ своя́ во благи́хъ и лѣ́та своя́ въ благолѣ́потѣ..» [Иов.36:5,11]

«Сегó рáди возвесели́ся сéрдце моé, и возрáдовася язы́къ мóй: ещé же и плóть моя́ всели́тся на уповáнiи.

Я́ко не остáвиши дýшу мою́ во áдѣ, нижé дáси преподобному твоемý ви́дѣти истлѣ́нiя

Сказáлъ ми́ еси́ пути́ животá: испóлниши мя́ весéлiя съ лицéмъ твои́мъкрасотá (слáдость) въ десни́цѣ твоéй въ конéцъ.» [Пс.15:9-11]

«Гóсподи, си́лою твоéю возвесели́тся цáрь, и о спасéнiи твоéмъ возрáдуется зѣлó.

Вéлiя слáва егó спасéнiемъ твои́мъ: слáву и велелѣ́пiе возложи́ши на негó.

Я́ко дáси емý благословéнiе во вѣ́къ вѣ́ка: возвесели́ши егó рáдостiю съ лицéмъ твои́мъ.» [Пс.20:2,6-7]

«я́ко гнѣ́въ въ я́рости егó, и живóтъ въ вóли егó: вéчеръ водвори́тся плáчь, и заýтра рáдость.» [Пс.29:6]

«И вни́ду къ жéртвеннику Бóжiю, къ Бóгу веселя́щему ю́ность мою́: исповѣ́мся тебѣ́ въ гýслехъ, Бóже, Бóже мóй.

Вскýю прискóрбна еси́, душé моя́? и вскýю смущáеши мя́? уповáй на Бóга, я́ко исповѣ́мся емý, спасéнiе лицá моегó и Бóгъ мóй.» [Пс.42:4-5]

«Возлюби́лъ еси́ прáвду и возненави́дѣлъ еси́ беззакóнiе: сегó рáди помáза тя́, Бóже, Бóгъ твóй елéемъ рáдости пáче причáстникъ твои́хъ.» [Пс.44:8]

«Вси́ язы́цы, восплещи́те рукáми, воскли́кните Бóгу глáсомъ рáдованiя.

Пóйте Бóгу нáшему, пóйте: пóйте Царéви нáшему, пóйте..» [Пс.46:2,7]

«Слýху моемý дáси рáдость и весéлiе: возрáдуются кóсти смирéнныя

«Воздáждь ми́ рáдость спасéнiя твоегó и Дýхомъ Влады́чнимъ утверди́ мя.» [Пс.50:10,14]

«разботѣ́ютъ крáсная пусты́ни, и рáдостiю хóлми препоя́шутся.» [Пс.64:13]

«а прáведницы да возвеселя́тся, да возрáдуются предъ Бóгомъ, да насладя́тся въ весéлiи.

Воспóйте Бóгу, пóйте и́мени егó: путесотвори́те возшéдшему на зáпады, Госпóдь и́мя емý: и рáдуйтеся предъ ни́мъ.» [Пс.67:4-5]

«Возвесели́тся прáведникъ о Гóсподѣ и уповáетъ на негó: и похвáлятся вси́ прáвiи сéрдцемъ.» [Пс.63:11]

«Весели́теся о Гóсподѣ и рáдуйтеся прáведнiи, и хвали́теся, вси́ прáвiи сéрдцемъ.» [Пс.31:11]

«И изведé лю́ди своя́ въ рáдости и избрáнныя своя́ въ весéлiи.» [Пс.104:43]

«Крѣ́пость моя́ и пѣ́нiе моé Госпóдь, и бы́сть ми́ во спасéнiе.

Глáсъ рáдости и спасéнiя въ селéнiихъ прáведныхъ: десни́ца Госпóдня сотвори́ си́лу.» [Пс.117:14-15]

«Возвели́чилъ éсть Госпóдь сотвори́ти съ нáми: бы́хомъ веселя́щеся.

Возврати́, Гóсподи, плѣнéнiе нáше, я́ко потóки ю́гомъ.

Сѣ́ющiи слезáми, рáдостiю пóжнутъ.

Ходя́щiи хождáху и плáкахуся, метáюще сѣ́мена своя́: грядýще же прiи́дутъ рáдостiю, взéмлюще рукоя́ти своя́.» [Пс.125:3-6]

«свящéнники егó облекý во спасéнiе, и преподóбнiи егó рáдостiю возрáдуются.» [Пс.131:16]

«А́зъ бѣ́хъ, о нéйже рáдовашеся, на вся́къ же дéнь веселя́хся предъ лицéмъ егó на вся́ко врéмя,

егдá веселя́шеся вселéнную соверши́въ, и веселя́шеся о сынѣ́хъ человѣ́ческихъ.» [Притч.8:30-31]

«Пребывáетъ съ прáведными весéлiе, уповáнiе же нечести́выхъ погибáетъ.» [Притч.10:28]

«Лéсть въ сéрдцы кую́щаго злáя: хотя́щiи же ми́ра возвеселя́тся[Притч.12:20]

«Сéрдце мýжа чýвственно печáль души́ егó: егдá же весели́тся, не примѣшáется досаждéнiю.» [Притч.14:10]

«Весéлiе прáведныхъ твори́ти сýдъ: преподóбный же нечи́стъ у злодѣ́евъ.» [Притч.21:15]

«Я́ко человѣ́ку блáгу предъ лицéмъ егó дадé мýдрость и рáзумъ и весéлiе, согрѣшáющему же дадé попечéнiе, éже прилагáти и собирáти, во éже дáти благóму предъ лицéмъ Бóжiимъ: я́ко и сié суетá и произволéнiе дýха.» [Еккл.2:26]

«и́бо вся́кому человѣ́ку, емýже дáлъ éсть Бóгъ богáтство и имѣ́нiя, и влáсть дадé емý я́сти от тогó и прiя́ти чáсть свою́ и возвесели́тися о трудѣ́ своéмъ, сié дáръ Бóжiй éсть:

я́ко не мнóго пáмятствовати и́мать дни́ животá своегó, понéже Бóгъ облагáетъ егó попечéньми въ весéлiи сéрдца егó.» [Еккл.5:18-19]

«Прiиди́, я́ждь въ весéлiи хлѣ́бъ твóй и пíй во блáзѣ сéрдцы винó твоé, я́ко ужé угóдна Бóгу творéнiя твоя́.

Во вся́ко врéмя да бýдутъ ри́зы твоя́ бѣ́лы, и елéй на главѣ́ твоéй да не оскудѣ́етъ.

И ви́ждь житié съ женóю, ю́же возлюби́лъ еси́, во вся́ дни́ животá ю́ности твоея́, дáнныя ти́ подъ сóлнцемъ, вся́ дни́ сýетствiя твоегó: я́ко сié чáсть твоя́ въ животѣ́ твоéмъ и въ трудѣ́ твоéмъи́мже ты́ труди́шися подъ сóлнцемъ.» [Еккл.9:7-9]

«Ты́ же постя́ся помáжи главý твою́, и лицé твоé умы́й..» [Мф.6:17]

«Весели́ся, ю́ноше, во ю́ности твоéй, и да ублажи́тъ тя́ сéрдце твоé во днéхъ ю́ности твоея́, и ходи́ въ путéхъ сéрдца твоегó непорóченъ и не въ видѣ́нiи óчiю твоéю: и разумѣ́й, я́ко о всѣ́хъ си́хъ приведéтъ тя́ Бóгъ на сýдъ:

и отстáви я́рость от сéрдца твоегó, и отри́ни лукáвство от плóти твоея́: я́ко ю́ность и безýмiе суетá.» [Еккл.11:9-10]

«И почерпи́те вóду со весéлiемъ от истóчникъ спасéнiя.» [Ис.12:3]

«вѣ́руяй въ мя́, я́коже речé писáнiе, рѣ́ки от чрéва егó истекýтъ воды́ жи́вы.» [Ин.7:38]

«Возвесели́теся, небесá, я́ко поми́лова Бóгъ Изрáиля: воструби́те, основáнiя земнáя, возопíйте, гóры, весéлiе, хóлми и вся́ древесá, я́же на ни́хъ: я́ко избáви Бóгъ Иáкова, и Изрáиль прослáвится.» [Ис.44:23]

«Рáдуйтеся, небесá, и весели́ся, землé, да отры́гнутъ гóры весéлiе и хóлми прáвду, я́ко поми́лова Бóгъ лю́ди своя́ и смирéнныя людíй свои́хъ утѣ́ши..» [Ис.49:13]

«Да возвеселя́тся небесá, и рáдуется земля́: да подви́жится мóре и исполнéнiе егó:

возрáдуются поля́, и вся́ я́же на ни́хъ: тогдá возрáдуются вся́ древá дубрáвная

от лицá Госпóдня, я́ко грядéтъ, я́ко грядéтъ суди́ти земли́: суди́ти вселéннѣй въ прáвду, и лю́демъ и́стиною своéю.» [Пс.95:11-13]

«Да отры́гнутъ весéлiе вкýпѣ пусты́ни Иерусали́мскiя, я́ко поми́лова Госпóдь людíй свои́хъ и избáви Иерусали́ма..» [Ис.52:9]

«Изы́ди от Вавилóна, бѣжáй от халдéевъ: глáсъ рáдости возвѣсти́те, и да слы́шано бýдетъ сié, возвѣсти́те дáже до послѣ́днихъ земли́, глагóлите: избáви Госпóдь рабá своегó Иáкова.» [Ис.48:20]

«Воззри́те на Авраáма отцá вáшего и на Сáрру породи́вшую вы́: я́ко еди́нъ бѣ́, и призвáхъ егó, и благослови́хъ егó, и возлюби́хъ егó, и умнóжихъ егó.

И тебé ны́нѣ утѣ́шу, Сióне, и утѣ́шихъ вся́ пусты́ни егó, и постáвлю пусты́ню егó я́ко рáй, и я́же ко зáпадомъ егó áки рáй Госпóдень: рáдость и весéлiе обря́щутъ въ нéмъ, исповѣ́данiе и глáсъ хвалéнiя.

Послýшайте менé, лю́дiе мои́, послýшайте, и цáрiе, ко мнѣ́ внуши́те: я́ко закóнъ от менé изы́детъ, и сýдъ мóй во свѣ́тъ язы́комъ

«Гóсподемъ бо возвратя́тся и прiи́дутъ въ Сióнъ съ рáдостiю и со весéлiемъ вѣ́чнымъ: на главѣ́ бо и́хъ весéлiе и хвалá, и рáдость прiи́метъ я́: отбѣжé болѣ́знь и печáль и воздыхáнiе.» [Ис.51:2-4,11]

«А́ще отврати́ши нóгу твою́ от суббóтъ, éже не твори́ти хотѣ́нiй твои́хъ въ дéнь святы́й, и прозовéши суббóты слáдостны, свя́ты богови твоемý: не воздви́гнеши ноги́ своея́ на дѣ́ло, нижé возглагóлеши словесé во гнѣ́вѣ изъ ýстъ твои́хъ,

и бýдеши уповáя на Гóспода, и возведéтъ тя́ на благоты́ земны́я, и ухлѣ́битъ тя́ наслѣ́дiемъ Иáкова отцá твоегó: устá бо Госпóдня глагóлаша сiя́.» [Ис.58:13-14]

«Бýдетъ бо нéбо нóво и земля́ новá, и не помянýтъ прéжнихъ, нижé взы́дутъ на сéрдце и́хъ,

но рáдость и весéлiе обря́щутъ на нéй, я́ко сé, áзъ творю́ весéлiе Иерусали́му и лю́демъ мои́мъ рáдость.

И возвеселю́ся о Иерусали́мѣ и возрáдуюся о лю́дехъ мои́хъ, и ксемý не услы́шится въ нéмъ глáсъ плáча, ни глáсъ вóпля..» [Ис.65:17-19]

«Тогдá возрáдуются дѣви́цы въ собрáнiи ю́ношей, и стáрцы возрáдуются: и обращý плáчь и́хъ на рáдость, и утѣ́шу и́хъ, и сотворю́ и́хъ вéселы.» [Иер.31:13]

«ами́нь, ами́нь глагóлю вáмъ, я́ко восплáчетеся и возрыдáете вы́, а мръ возрáдуется: вы́ же печáльни бýдете, но печáль вáша въ рáдость бýдетъ..» [Ин.16:20]

«скончáй и́хъ, и бýдетъ слóво твоé мнѣ́ въ рáдость и во весéлiе сéрдца моегó, я́ко при́звано éсть и́мя твоé на мнѣ́, Гóсподи Бóже си́лъ.

Не сѣдóхъ въ сóнмѣ и́хъ игрáющихъ, но боя́хся от лицá руки́ твоея́: на еди́нѣ сѣдя́хъ, я́ко гóрести испóлнихся.» [Иер.15:16-17]

«я́ко тáко речé Госпóдь Иáкову: возвесели́теся весéлiемъ и воскли́кните на главý язы́ковъ: слы́шано сотвори́те и похвали́те, рцы́те: спасé Госпóдь лю́ди своя́, остáнокъ Изрáилевъ.» [Иер.31:7]

«Тáко речé Госпóдь: ещé услы́шится въ сéмъ мѣ́стѣ, о нéмже вы́ глагóлете: пýсто éсть от человѣ́къ и от скóтъ, во градѣ́хъ Иýдиныхъ и внѣ́ Иерусали́ма, опустѣ́вшихъ, понéже нѣ́сть человѣ́ка, ни скотá,

глáсъ весéлiя и глáсъ рáдости, глáсъ женихá и глáсъ невѣ́сты, глáсъ глагóлющихъ: исповѣ́дайтеся Гóсподеви вседержи́телю, я́ко блáгъ Госпóдь, я́ко въ вѣ́къ ми́лость егó: и принесýтъ дáры похвалéнiя въ дóмъ Госпóдень, я́ко возвращý всé преселéнiе земли́ тоя́ по прéжнему, речé Госпóдь.» [Иер.33:10-11]

«Во врéмя óно речéтъ Госпóдь Иерусали́му: дерзáй, Сióне, да не ослабѣ́ютъ рýцѣ твои́.

Госпóдь Бóгъ твóй въ тебѣ́, си́льный спасéтъ тя́, наведéтъ на тя́ весéлiе и обнови́тъ тя́ въ любви́ своéй, и возвесели́тся о тебѣ́ во украшéнiи, я́ко въ дéнь прáздника.» [Соф.3:16-17]

«Рáдуйся зѣлó, дщи́ Сióня, проповѣ́дуй, дщи́ Иерусали́мля: сé, Цáрь твóй грядéтъ тебѣ́ прáведенъ и спасáяй, тóй крóтокъ и всѣ́дъ на «подъярéмника и жребцá ю́на.» [Зах.9:9]

уповáй, чáдо, Госпóдь небесé и земли́ да дáстъ тебѣ́ рáдость вмѣ́сто печáли твоея́ тоя́: уповáй, дщи́.» [Тов.7:17]

«Вся́каго бо движéнiя подви́жнѣйша éсть премýдрость: достизáетъ же и проницáетъ сквозѣ́ вся́ческая рáди [своея́] чистоты́

«Вшéдъ въ дóмъ мóй упокóюся съ нéю: не бó и́мать гóрести сообщéнiе ея́, ни болѣ́зни сожи́тiе тоя́, но весéлiе и рáдость.» [Прем.7:24,8:16]

«Стрáхъ Госпóдень возвесели́тъ сéрдце и дáстъ весéлiе и рáдость и долгодéнствiе.» [Сир.1:12]

«Премýдрость сы́ны своя́ вознесé и заступáетъ и́щущихъ ея́:

любя́й ю́ лю́битъ жи́знь, и ýтренюющiи къ нéй испóлнятся весéлiя:

держáйся ея́ наслѣ́дитъ слáву, и идѣ́же вхóдитъ, благослови́тъ егó Госпóдь.» [Сир.4:12-14]

«Премýдрость бо по и́мени ея́ éсть и не мнóгимъ éсть я́вна

«Изслѣ́ди и взыщи́, и познáна ти́ бýдетъ, и éмься за ню́ не остáви ея́:

на послѣ́докъ бо обря́щеши покóй ея́, и обрати́тся тебѣ́ на весéлiе

«Красотá бо злáта éсть на нéй, и ýзы ея́ изви́тiе иаки́нѳово:

во одéжду слáвы облечéшися éю, и вѣнéцъ рáдости возложи́ши на ся́.» [Сир.6:23,28-29,31-32]

«весéлiе и вѣнéцъ рáдости и и́мя вѣ́чно наслѣ́дитъ.» [Сир.15:6]

«Нѣ́сть богáтство лýчше здрáвiя тѣлéснаго, и нѣ́сть весéлiе пáче рáдости сердéчныя

«Не вдáждь въ печáль дýшу твою́ и не оскорби́ себé совѣ́томъ твои́мъ.

Весéлiе сéрдца живóтъ человѣ́ка, и рáдованiе мýжа долгодéнствiе.

Люби́ дýшу твою́ и утѣшáй сéрдце твоé, и печáль от себé отри́ни далéче:

мнóги бо печáль уби́, и нѣ́сть пóльзы въ нéй

[Сир.30:16,22-25]

«О́комъ благи́мъ прослáви Гóспода и не умáли от начáтка рýкъ твои́хъ:

во вся́цѣмъ дая́нiи вéсело имѣ́й лицé твоé и со весéлiемъ освяти́ десяти́ну.

Дáждь вы́шнему по дая́нiю егó, и óкомъ благи́мъ приобрѣ́тенiе руки́:

я́ко Госпóдь воздая́й éсть и седмери́цею воздáстъ ти́.» [Сир.35:7-10]

«Воззри́ на востóкъ, Иерусали́ме, и ви́ждь весéлiе грядýщее тебѣ́ от Бóга.

Сé, грядýтъ сы́нове твои́и́хже испусти́лъ еси́, грядýтъ сóбрани от востóкъ дáже до зáпадъ слóвомъ святáго, рáдующеся о слáвѣ Бóжiей.» [Вар.4:36-37]

«Сiя́ глагóлетъ Госпóдь ко éздрѣ: возвѣсти́ лю́демъ мои́мъ, я́ко дáмъ и́мъ цáрство Иерусали́мское, éже дáти имѣ́хъ Изрáилю,

и возмý мнѣ́ слáву и́хъ и дáмъ и́мъ селéнiя вѣ́чная, я́же предуготóвахъ и́мъ:

дрéво жи́зни бýдетъ и́мъ въ благовóнiе мáсти, и не и́мутъ труждáтися, нижé утрудя́тся.

Иди́те и прiими́те, проси́те себѣ́ днíй мáлыхъ, да закосня́тъ: ужé готóво éсть вáмъ цáрство, бди́те.

Засвидѣ́телствуй нéбомъ и землéю: сотрóхъ бо злóе и сотвори́хъ благóе, я́ко живý áзъ, глагóлетъ Госпóдь.

Мáти, объими́ сы́ны твоя́, воспитáй и́хъ со весéлiемъ, я́ко голуби́ца утверди́ нóзѣ и́хъ, занé тебé избрáхъ, глагóлетъ Госпóдь.

И воскрешý мéртвыя от мѣ́стъ свои́хъ и изъ гробóвъ изведý и́хъ: познáхъ бо и́мя моé во Изрáили.

Не бóйся, мáти сынóвъ, занé тебé избрáхъ, глагóлетъ Госпóдь.» [3Езд.2:10-17]

«Пáки подóбно éсть цáрствiе небéсное сокрóвищу сокровéну на селѣ́, éже обрѣ́тъ человѣ́къ скры́, и от рáдости егó и́детъ, и вся́, ели́ка и́мать, продаéтъ, и купýетъ селó тó.» [Мф.13:44]

«Имѣ́яй невѣ́сту жени́хъ éсть: а дрýгъ женихóвъ, стоя́ и послýшая егó, рáдостiю рáдуется за глáсъ женихóвъ: сiя́ ýбо рáдость моя́ испóлнися..» [Ин.3:29]

«Я́коже возлюби́ мя Отéцъ, и áзъ воз­люби́хъ вáсъ: бýдите въ любви́ моéй:

áще зáповѣди моя́ соблюдéте, пребýдете въ любви́ моéй, я́коже áзъ зáповѣди Отцá моегó соблюдóхъ, и пребывáю въ егó любви́.

Сiя́ глагóлахъ вáмъ, да рáдость моя́ въ вáсъ бýдетъ и рáдость вáша испóлнится.» [Ин.15:9-11]

«досéлѣ не проси́сте ничесóже во и́мя моé: проси́те, и прiи́мете, да рáдость вáша испóлнена бýдетъ.» [Ин.16:24]

«ны́нѣ же къ тебѣ́ грядý, и сiя́ глагóлю въ мрѣ, да и́мутъ рáдость мою́ испóлнену въ себѣ́.

А́зъ дáхъ и́мъ слóво твоé, и мръ возненави́дѣ и́хъ, я́ко не сýть от мра, я́коже [и] áзъ от мра нѣ́смь:

не молю́, да вóзмеши и́хъ от мра, но да соблюдéши и́хъ от непрiя́зни:

от мра не сýть, я́коже [и] áзъ от мра нѣ́смь:

святи́ и́хъ во и́стину твою́: слóво твоé и́стина éсть.» [Ин.17:13-17]

«Дави́дъ бо глагóлетъ о нéмъ: предзрѣ́хъ Гóспода предо мнóю вы́ну, я́ко о деснýю менé éсть, да не подви́жуся:

сегó рáди возвесели́ся сéрдце моé, и возрáдовася язы́къ мóй: ещé же и плóть моя́ всели́тся на уповáнiи,

я́ко не остáвиши души́ моея́ во áдѣ, нижé дáси преподобному твоемý ви́дѣти истлѣ́нiя:

сказáлъ ми́ еси́ пути́ животá: испóлниши мя́ весéлiя съ лицéмъ твои́мъ.» [Деян.2:25-28]

«Ученицы́ же исполня́хуся рáдости и Дýха свя́та.» [Деян.13:52]

«Но ни еди́но же попечéнiе творю́, нижé и́мамъ дýшу мою́ чéстну себѣ́, рáзвѣ éже скончáти течéнiе моé съ рáдостiю и слýжбу, ю́же прiя́хъ от Гóспода Иисýса, засвидѣ́телствовати евáнгелiе благодáти Бóжiя.» [Деян.20:24]

«Ктó ны́ разлучи́тъ от любвé Бóжiя, скóрбь ли, или́ тѣснотá, или́ гонéнiе, или́ глáдъ, или́ наготá, или́ бѣдá, или́ мéчь?..» [Рим.8:35]

«Ны́нѣ рáдуюся во страдáнiихъ мои́хъ о вáсъ, я́ко исполня́ю лишéнiе скорбéй Христóвыхъ во плóти моéй за тѣ́ло егó, éже éсть цéрковь..» [Кол.1:24]

«О нéмже рáдуйтеся, мáло ны́нѣ, áще лѣ́по éсть, прискóрбни бы́вше въ разли́чныхъ напáстѣхъ:

да искушéнiе вáшея вѣ́ры многочестнѣ́йше злáта ги́бнуща, огнéмъ же искушéна, обря́щется въ похвалý и чéсть и слáву, во откровéнiи Иисýсъ Христóвѣ,

егóже не ви́дѣвше лю́бите, [и] на негóже ны́нѣ не зря́ще, вѣ́рующе же, рáдуетеся рáдостiю неизглагóланною и прослáвленною,

прiéмлюще кончи́ну вѣ́рѣ вáшей, спасéнiе душáмъ..» [1Пет.1:6-9]

«И сiя́ пи́шемъ вáмъ, да рáдость вáша бýдетъ испóлнена.

И сié éсть обѣтовáнiе, éже слы́шахомъ от негó и повѣ́даемъ вáмъ, я́ко Бóгъ свѣ́тъ éсть, и тмы́ въ нéмъ нѣ́сть ни еди́ныя.» [1Ин.1:4-5]

«Бóлши сея́ не и́мамъ рáдости, да слы́шу моя́ чáда во и́стинѣ ходя́ща.» [3Ин.1:4]

«Да не хули́тся ýбо вáше благóе.

Нѣ́сть бо цáрство Бóжiе брáшно и питié, но прáвда и ми́ръ и рáдость о Дýсѣ святѣ.

И́же бо си́ми слýжитъ Христóви, благоугóденъ éсть богови и искýсенъ человѣ́комъ.» [Рим.14:16-18]

«Бóгъ же уповáнiя да испóлнитъ вáсъ вся́кiя радóсти и ми́ра въ вѣ́рѣ, избы́точествовати вáмъ во уповáнiи, си́лою Дýха святáго.» [Рим.15:13]

«не я́ко обладáемъ вѣ́рою вáшею, но [я́ко] споспѣ́шницы есмы́ вáшей рáдости: вѣ́рою бо стоитé.» [2Кор.1:24]

«Мнóго ми́ дерзновéнiе къ вáмъ, мнóга ми́ похвалá о вáсъ: испóлнихся утѣ́хи, преизбы́точествую рáдостiю о вся́цѣй печáли нáшей.» [2Кор.7:4]

«Сказýемъ же вáмъ, брáтiе, благодáть Бóжiю, дáнную въ цéрквахъ македóнскихъ:

я́ко во мнóзѣмъ искушéнiи скорбéй избы́токъ рáдости и́хъ, и я́же во глубинѣ́ нищетá и́хъ избы́точествова въ богáтство простоты́ и́хъ:

я́ко по си́лѣ и́хъ, свидѣ́телствую, и пáче си́лы доброхóтни,

со мнóгимъ молéнiемъ моля́ще нáсъ, благодáть и общéнiе служéнiя, éже ко святы́мъ, прiя́ти нáмъ:

и не я́коже надѣ́яхомся, но себé вдáша пéрвѣе Гóсподеви, и нáмъ вóлею Бóжiею..» [2Кор.8:1-5]

«Плóдъ же духóвный éсть любы́, рáдость, ми́ръ, долготерпѣ́нiе, блáгость, милосéрдiе, вѣ́ра..» [Гал.5:22]

«Облецы́теся ýбо я́коже избрáннiи Бóжiи, святи и возлю́бленни, во утрóбы щедрóтъ, блáгость, смиреномýдрiе, крóтость и долготерпѣ́нiе..» [Кол.3:12]

«А́ще ýбо кóе утѣшéнiе о Христѣ́, [или́] áще кáя утѣ́ха любвé, áще кóе общéнiе дýха, áще кóе милосéрдiе и щедрóты,

испóлните мою́ рáдость, да тóжде мýдрствуете, тý же любо́вь имýще, единодýшни, единомýдренни:

ничтóже по рвéнiю или́ тщеслáвiю, но смиреномýдрiемъ дрýгъ дрýга чéстiю бóлша себé творя́ще.» [Флп.2:1-3]

«Сегó рáди и мы́, от негóже днé слы́шахомъ, не престаéмъ о вáсъ моля́щеся и прося́ще, да испóлнитеся въ рáзумѣ вóли егó, во вся́цѣй премýдрости и рáзумѣ духóвнѣмъ,

я́ко ходи́ти вáмъ достóинѣ Бóгу во вся́цѣмъ угождéнiи [и] вся́цѣмъ дѣ́лѣ блáзѣ, плодонося́ще и возрастáюще въ рáзумѣ Бóжiи,

вся́кою си́лою возмогáюще по держáвѣ слáвы егó, во вся́цѣмъ терпѣ́нiи и долготерпѣ́нiи съ рáдостiю,

благодаря́ще Бóга и Отцá, призвáвшаго вáсъ въ причáстiе наслѣ́дiя святы́хъ во свѣ́тѣ,

и́же избáви нáсъ от влáсти тéмныя и престáви въ цáрство Сы́на любвé своея́,

о нéмже и́мамы избавлéнiе крóвiю егó и оставлéнiе грѣ́ховъ,

и́же éсть о́бразъ Бóга неви́димаго, перворождéнъ всея́ твáри:

я́ко тѣ́мъ созданá бы́ша вся́ческая, я́же на небеси́ и я́же на земли́, ви́димая и неви́димая, áще престóли, áще госпóдствiя, áще начáла, áще влáсти: вся́ческая тѣ́мъ и о нéмъ создáшася:

и тóй éсть прéжде всѣ́хъ, и вся́ческая въ нéмъ состоя́тся.

И тóй éсть главá тѣ́лу цéрквеи́же éсть начáтокъ, перворождéнъ изъ мéртвыхъ, я́ко да бýдетъ во всѣ́хъ тóй пéрвенствуя..» [Кол.1:9-18]

«И вы́ подóбницы бы́сте нáмъ и Гóсподу, прiéмше слóво въ скóрби мнóзѣ съ рáдостiю Дýха святáго..» [1Сол.1:6]

«Ктó бо нáмъ уповáнiе или́ рáдость или́ вѣнéцъ похвалéнiя? Не и вы́ ли предъ Гóсподемъ нáшимъ Иисýсъ Христóмъ вó пришéствiи егó?

Вы́ бо естé слáва нáша и рáдость.» [1Сол.2:19-20]

«сегó рáди утѣ́шихомся, брáтiе, о вáсъ, во вся́кой скóрби и нуждѣ́ нáшей, вáшею вѣ́рою:

я́ко мы́ ны́нѣ жи́ви есмы́, áще вы́ стои́те о Гóсподѣ.

Кóе бо благодарéнiе Бóгу мóжемъ воздáти о вáсъ, о вся́кой рáдости, éюже рáдуемся вáсъ рáди предъ Бóгомъ нáшимъ..» [1Сол.3:7-9]

«И ко áнгеломъ ýбо глагóлетъ: творя́й áнгелы своя́ дýхи и слуги́ своя́ óгнь паля́щь.

Къ Сы́ну же: престóлъ твóй, Бóже, въ вѣ́къ вѣ́ка: жéзлъ прáвости жéзлъ цáрствiя твоегó:

возлюби́лъ еси́ прáвду и возненави́дѣлъ еси́ беззакóнiе: сегó рáди помáза тя́, Бóже, Бóгъ твóй елéемъ рáдости пáче причáстникъ твои́хъ.» [Евр.1:7-9]

«и́бо ýзамъ мои́мъ спострадáсте и разграблéнiе имѣ́нiй вáшихъ съ рáдостiю прiя́сте, вѣ́дяще имѣ́ти себѣ́ имѣ́нiе на небесѣ́хъ пребывáющее и лýчшее.

Не отлагáйте ýбо дерзновéнiя вáшего, éже и́мать мздовоздая́нiе вели́ко.

Терпѣ́нiя бо и́мате потрéбу, да вóлю Бóжiю сотвóрше, прiи́мете обѣтовáнiе:

ещé бо мáло ели́ко ели́ко, гряды́й прiи́детъ и не укосни́тъ.» [Евр.10:34-37]

«Вся́кое бо наказáнiе въ настоя́щее врéмя не мни́тся рáдость бы́ти, но печáль: послѣди́ же плóдъ ми́ренъ научéнымъ тѣ́мъ воздаéтъ прáвды.

Тѣ́мже ослáбленныя рýки и ослáбленная колѣ́на испрáвите

и стези́ прáвы сотвори́те ногáми вáшими, да не хрóмое соврати́тся, но пáче да исцѣлѣ́етъ.» [Евр.12:11-13]

 

 

 

Добавить комментарий

Вы вошли как maximios. Выйти?